مشكلة التفكير الزائد عن اللزوم

مشكلة التفكير الزائد عن اللزوم

مشكلة التفكير الزائد عن اللزوم او اللازم ال over thinking التفكير الزائد عن اللزوم يقتل سعادتك
ماهي الطريقة لايقاف التفكير الزائد عن اللزوم او التفكير المفرط في ناس ليل نهار تفكير في الماضي والحاضر والمستقبل التفكير المفرط بيكون مشكلة مع الوقت ممكن من كثرة التفكير حتي هز الرأس بيكون صعب للرد علي الاشخاص بنعم او لا التفكير المفرط بيستهلك طاقتك

اية هو التفكير المفرط

1) دايما بنحيط نفسنا بالافكار اللي بتدعم معتقداتنا يعني اية الكلام دة
يعني تلقائيا بنحب الناس اللي بيفكروا زينا ولو متفقين مع معتقدات حد فمن المحتمل ان احنا اصدقاء ودة شيء منطقي بس دة معناة ان احنا بنتجاهل اي حاجة تهدد طريقة تفكيرنا حتي لو صح وكل اللي بنعملة اننا بنحيط نفسنا بالناس اللي بتاكد لينا ان تفكيرنا صح ودي حاجة اسمها تاكيد التحيز
في 2009 دراسة اتعملت في ولاية اوهايو اكدت ان الناس هتقضي 36% وقت اكتتر بتقرا مقال لو كان بيوافق معتقداتها او طريقة تفكيرها
طيب اية الحل للهروب من تاكيد التحيز
اننا بشكل دائم نحاول نتحدي وننتقد معتقداتنا لان التحيز المطلق لتفكيرنا مش صحيح

2) بنصدق وهم “الولد السباح”
و دي اتكلم عنها رولف دوبلي في كتابه the art of thinking clearly و الوهم دة بيحصل لما بنلخبط بين الاسباب و النتايج لحاجة معينة يعني مثلا اقرا المثال التالي
السباحين الكويسين مش عندهم اجسام مثالية لانهم بيدربوا كتير بالعكس دول بقوا سباحين بسبب حالتهم الجسدية الممتازة
ايه رايك ؟!
و من الامثلة علي كدة لما تفكر في جامعة ممتازة وتسال نفسك هل الطلاب بيرحوها لانها جامعة ممتازة ولا بسبب ان الطلاب متفوقين هي بقت جامعة ممتازة (كيف بدأ الخلق وكدة )
دايما عقولنا بتلعب معانا اللعبة دي و تلخبطنا بين أسباب الحاجة و نتايجها عشان كدة قالوا ان من غير الوهم دة بالذات نص الاعلانات مش هتكسب لان احنا لو فاهمين صح عمرنا ما هنستثنر فلوس او وقت او جهد في حاجة فاهمين انها مش هتوصلنا للنتايج اللي عايزنها

3) بنقلق علي حاجات خسرناها بالفعل
و دي مغالطة في التفكير بيسموها التكلفة الغارقة ﻷننا بنندم علي أي تكلفة بذلناها في حاجة سواء وقت أو جهد أو فلوس رغم أن دة مش منطقي ﻷن الحاجات دي خسرناها بالفعل و مش هترجع و السبب في كدة ان احنا مش بنقدر نتجاهل التكلفة حتي لو دفعناها خلاص و بنحس بالخسارة أكتر من المكسب و عالم النفس دانيل كانمان شرح الفكرة دي في كتابه thinking fast and slow لما قال أن الكائنات اللي بتحاول تتجنب اي تهديد أكتر من ما بتحاول تزود الفرص بتنقل جيناتها لللاجيال اللي بعد كدة عشان كدة احنا مولودين بمنظور أقوي للخسارة أكتر من منظور تحقيق المكاسب

4) بنحب نتوقع !!
لو بتلعب ملك و كتابة مع صديقك اكيد عارف ان احتمالية ملك او كتبة هي 50/50 بس لو بقالك 5 مرات بتطلع معاك ملك يبقي أكيد المرة الجاية كتابة صح ؟ ….لا غلط النسبة هي هي 50\50 بس احنا دايما بنعتمد بشكل كبير عليي أحداث الماضي في توقع المستقبل و بنفتكر أن الماضي له دور زي في حالة الملك و الكتابة و دي مغالطة في التفكير بيسموها مغالطة المقامر و من اثارها أنها بتخلينا عندنا تحيز ايجابي يعني بنفكر دايما أن لازم حاجة كويسة هتحصل حتي لو مفيش أي مؤشر لحاجة زي كدة و مش بنتقبل النتايج السلبية ﻷي حاجة و بنفضل كدة لغاية ما نوصل في مرة لنتيجة كويسة
يااااه أتاري العقل دة عميق بشكل
كلمنا كدة علي تأثير الover thinking عليك
وتذكر دائما ان التفكير بشكل مفرط يقتل سعادتك